Ikasturte hasiera 2023 - 2024
Ikasturte hasiera
Klaseak irailaren 7an hasten dira.Irailaren 7,8 ,11,12, 13,14 eta 15ean klaseak goizeko 8:30etik 12:50era izango dira.
Autobus zerbitzua
Aurreko puntuan aipatutako egunetan autobusak ohiko ibilbidea egingo du, ikastetxetik 13:00ean aterata.
Irailak 12,13, 14 eta 15 ean jangela zerbitzua egongo da. ( 15: 00 arte).
Goizeko eta arratsaldeko lanaldiak
Irailaren 18an hasiko dira klaseak goizez eta arratsaldez eta baita mantenu erdiko zerbitzua ere
Guraso bilerak
Guraso bilera irailaren 5ean izango da arratsaldeko 17:00etan.
Haur Hezkuntzako gure etapak
- Irakasle talde egonkor eta aditua dauka
- Euskara eta Alemana uztartuz programa elebiduna garatzen du. Aipatu programak osatzen dituen ekintza desberdinez, jokoz, abestiez eta egitasmo desberdinez, haurra bi hizkuntzetan barneratzen da
- Metodologia aktibo eta eraikitzailea garatzen du, beti ere haurrentzako irakaskuntza adierazgarri baten bidez
- Umearen garapen unea errespetatzen du, ikasteko bere erritmoa eta bere behar zehatzak, norberaren aniztasuna errespetatuz.
- Harremanen, sozializazioaren eta komunikazioaren afektibitatea asko zaintzen du.
- Parkea eta berdegune ederrak izateak ahalbidetzen du haurrek hainbat kanpo ekintzekin goza dezaten, hala nola, baratza eta konposta.
- Gurasoekiko harremana asko zaintzen du, hauekin asko hitz eginez eta gertutasuna galdu gabe, umearen garapen on baterako ezinbestekoa.
- Haurrek oso oso txikitatik garatzen duten entzuteko gaitasuna bultzatzen du; hori dela eta, musika ezinbesteko elementua bihurtzen da: euskarazko nahiz alemaneko abestiak, dantza egitekoak, entzutekoak, lo-kuluxka egiteko kanta lasaigarriak …
- Psikomotrizitatea ezinbesteko osagaitzat du. Hala, jokoak garrantzi handia du, energia hustutzeko jarduera gisa eta emozioen orekarako (psikomotrizitate gelan, parkean …)
- Instalakuntza modernoak ditu, gaurko irakaskuntzari egokituak: interneterako konexioa, arbela digitalak gela zabal eta iristeko errazak, argi natural asko, lo-kuluxka gela,psikomotrizitate gela …
Egutegia
2023-2024 ikasturterko egutegia deskargatu ezazu
Ordutegiak
3 urteko umeentzat
Goizeko klaseak 08:30ean hasten dira eta 12:30ean bukatzen eta arratsaldez 15:00etan hasi eta 17:00etan bukatu.
3 urteko haurrek lo-kuluxka botatzen dute eguerdian
4 eta 5 urteko umeentzat
Goizeko klaseak 08:30ean hasten dira eta 12:50ean bukatzen eta arratsaldez 15:00etan hasi eta 17:00etan bukatu.